Frisbígolf er skemmtileg afþreying sem allir aldurshópar geta stundað. Það er ódýrt fyrir borgina að setja upp völl og ekkert kostar að spila á þeim en eini búnaðurinn sem spilari þarf er einn frisbídiskur. Frisbígolf er hægt að spila allt árið og færir líf í garða og útivistarsvæði sem annars eru lítið notuð. Einnig fer þetta vel með annari starfsemi sem er á svæðinu. Hægt er að setja upp 6 eða 9 brauta völl en það fer eftir svæðinu og hversu mikið af því er í boði.
Þeir vellir sem settir hafa verið upp í Reykjavík hafa slegið í gegn og mikil eftirspurn er eftir völlum í öll hverfi borgarinnar. Holl hreyfing og útivera fylgir þessu sporti og hægt er að spila frisbígolf í öllum veðrum, allan ársins hring. Það er líka mikill kostur hversu ódýrt þetta er, bæði fyrir spilarann en einnig Reykjavíkurborg.
This content is created by the open source Your Priorities citizen engagement platform designed by the non profit Citizens Foundation